2025 жылдың 28 сәуірінде Қазақстан Республикасы жоғары оқу орындарының студенттері арасында «Қаржы» білім беру бағдарламасы бойынша Республикалық пәндік олимпиада өтті. Олимпиаданың тақырыбы: «Трансформация мен цифрландыру жағдайындағы қаржы жүйесінің тұрақты дамуының заманауи драйверлері».
Олимпиаданың өзектілігі цифрлық технологиялар, ESG-өзгерістер мен блокчейн-инновациялар арқылы қаржы жүйесінің өзгеруімен тікелей байланысты. Қаржы технологиялары (fintech) қарқынды дамып, дәстүрлі қаржы институттарымен бәсекелестік артуда.
2025 жылғы 8 мамырда Қарағанды Казтұтынуодағы университетінде CirculEC халықаралық жобасы аясында ұйымдастырылған тренингтерге қатысушыларға сертификаттар тапсыру рәсімі өтті (Экономика замкнутого циклы мен тұрақты даму бойынша инновациялық оқу бағдарламалары мен модульдерін әзірлеу), жоба Еуропалық Одақтың қолдауымен іске асырылуда.
CirculEC жобасы Орталық Азия елдеріндегі жоғары оқу орындарында заманауи еңбек нарығының сұраныстарына және өңірдің экологиялық сын-қатерлеріне сай келетін дағдылар мен құзыреттерді беру арқылы адам капиталының әлеуетін арттыруға бағытталған.
Тренинг бағдарламасы циркулярлық экономика, тұрақты даму және білім берудегі инновациялар тақырыптарын қамтыды. Оған университеттің оқытушылары, әкімшілік қызметкерлері мен студенттері қатысты.
2025 жылдың 28 сәуірінде Қазтұтынуодағы Қарағанды университетінде студенттер арасында «Roboproject-2025» робототехника чемпионаты өтті. Іс-шараны ұйымдастырушы — «Сандық инженерия және IT-талдау» кафедрасы.
Чемпионат инженерлік шығармашылыққа және заманауи технологияларға қызығушылық танытқан талантты әрі бастамашыл студенттерді біріктірді. Қатысушылар робототехника саласындағы өз жобаларын ұсынып, бағдарламалау, құрастыру және роботтандырылған жүйелерді басқару бойынша практикалық дағдыларын көрсетті. Чемпионат нәтижесінде жүлделі орындар келесідей бөлінді:
2025 жылдың 26 сәуірінде Қарағанды экономикалық университетінде студенттер мен «Қазаэронавигация» РМК – Қазақстан Республикасының аэронавигациялық қызмет көрсетушісі арасындағы кездесу өтті. Кездесу барысында компания өкілдері ұйымның миссиясы мен негізгі қызмет бағыттары туралы айтып, әуе қозғалысының қауіпсіздігі мен тиімділігін қамтамасыз етудегі жұмыстарының маңыздылығын атап өтті. Әсіресе жас мамандар үшін мансаптық мүмкіндіктерге ерекше назар аударылды. Студенттерге Қарағанды қаласындағы бос жұмыс орындары ұсынылды: • ЭРТОС қызметінің инженері (радиотехникалық жабдықтар мен байланыс жүйелерін пайдалану), • КРТОП инженері, • Авиациялық қауіпсіздік жөніндегі инспектор. Компания өкілдері мамандыққа қарамастан, ағылшын тілін меңгерген және авиация саласында дамуға ниетті жастарды жұмысқа шақыратынын жеткізді. Студенттер ұсынылған вакансияларға үлкен қызығушылық танытып, белсенді түрде сұрақтар қойып, жұмысқа орналасу мен кәсіби даму туралы толық ақпарат алды. Осындай кездесулер жұмыс берушілер мен болашақ мамандар арасындағы байланысты нығайтып, студенттердің кәсіби бағыт-бағдарын кеңейтуге септігін тигізеді.
2025 жылғы 21–26 сәуір аралығында Қазақстан Республикасы Ғылым және жоғары білім министрлігінің «Қазақстан Республикасы жоғары оқу орындарындағы студенттердің ғылыми-зерттеу жұмысын жетілдірудің инновациялық моделі» атты гранттық жобасының күнтізбелік жоспарына сәйкес Қазтұтынуодағы Қарағанды университетінің өкілдері — Экономикалық және құқықтық зерттеулер ғылыми-зерттеу институтының директоры Ханов Т.А. және жоба жетекшісі Баширов А.В. Алматы қаласына іссапармен барды. Іссапар барысында әл-Фараби атындағы Қазақ ұлттық университеті, Caspian University және «Туран» университеті басшылығы мен профессор-оқытушылар құрамымен кездесулер өткізілді. Кездесулерде студенттердің қатысуымен бірлескен ғылыми зерттеулерді дамыту, гранттық жоба аясындағы ынтымақтастықты кеңейту, сондай-ақ жоба авторлар ұжымы дайындаған «Қазақстан Республикасы ЖОО-ларында студенттердің ғылыми-зерттеу жұмысын жетілдіру» атты монографияда ұсынылған тұжырымдар мен ұсынымдарды жүзеге асыру мәселелері талқыланды. Аталған монографияға енгізу актілері алынды. Сонымен қатар, Қарағанды университеті өкілдері әл-Фараби атындағы ҚазҰУ ұйымдастырған «Халықаралық экономикалық интеграция жағдайындағы кедендік-тарифтік реттеудің өзекті мәселелері» атты ғылыми конференцияға қатысты. Іссапар студенттік ғылым саласындағы әріптестікті нығайтуға және ЖОО арасындағы ғылыми байланысты кеңейтуге септігін тигізді.
