Спорт, білім және ғылым: университетте халықаралық конференция өтті
Қазтұтынуодағы Қарағанды университеті Қарағанды облысының дене шынықтыру және спорт басқармасымен бірлесе отырып ұйымдастырған «Білім беру саласындағы спортты дамытудың негізгі қағидалары» атты Халықаралық ғылыми-тәжірибелік конференцияның өткізілу алаңына айналды.
Конференция жұмысына Санкт-Петербург қаласындағы П.Ф. Лесгафт атындағы Ұлттық мемлекеттік университеттің ғылым докторлары қатысып, Қазақстанның әртүрлі өңірлерінен келген 450-ден астам спорт саласының мамандарын оқытты.
Іс-шара барысында мамандардың біліктілігін арттыру, инновациялық білім беру және ғылыми-сауықтыру технологияларын енгізу, сондай-ақ дене шынықтыру және спорт саласындағы халықаралық ынтымақтастықты дамыту мәселелеріне ерекше назар аударылды.
Конференция аясында төмендегі ұйымдар арасында ынтымақтастық туралы меморандумдарға қол қойылды:
- Қазтұтынуодағы Қарағанды университеті мен ҚР Туризм және спорт министрлігі Спорт және дене шынықтыру істері комитетінің Республикалық оқу-әдістемелік және талдау орталығы;
Қазтұтынуодағы Қарағанды университеті мен Қарағанды облысының дене шынықтыру және спорт басқармасының дәрігерлік-дене шынықтыру диспансері.
Университет ректоры, экономика ғылымдарының докторы, профессор Еркара Балқараұлы Аймағамбетов осындай іс-шаралар ғылым, білім және спорт арасындағы өзара байланысты нығайтуға, сондай-ақ спорттық менеджмент, спорттық медицина және психология салаларында білікті мамандар даярлауға мүмкіндік беретін жағдай жасауға ықпал ететінін атап өтті.
Конференция қорытындысы бойынша Қазтұтынуодағы Қарағанды университеті базасында жаңа микробіліктілік бағдарламаларын ашу мүмкіндігі қарастырылуда. Бұл бастама спорт саласы үшін отандық кадрларды даярлауға және Қазақстан Республикасында спортты дамытуға елеулі үлес қосуға мүмкіндік береді.
 |
 |
 |
 |
 |
 |
 |
 |
 |
 |
