Медициналық орталықтар

Автор:Administrator. Жарияланған күні:01 Сәуір 2015.

6В07502 «Стандарттау, сертификаттау және метрология»

Автор:Administrator. Жарияланған күні:29 Қаңтар 2015.

Қазіргі уақытта жастар орта білім беру ұйымдарын бітіргеннен кейін өз білімін жалғастыруға кең мүмкіндіктерге ие. Жаңа, ерекше және инновациялық мамандықтардың саны өте көп.

Дегенмен, кез-келген экономикалық және саяси өзгерістер болса да мамандар әрқашан қажет болатын адам қызметінің кәсіби бағыттарының белгілі бір қабаты бар. Солардың арасында «Стандарттау, сертификаттау және метрология» мамандығын атап көрсетуге болады. Тұтынушылық нарықты әртүрлі тауарлармен қамтамасыз ету жағдайында стандарттау, сертификаттау және метрология саласындағы мамандарға сұраныс артып келеді.

6B07502 «Стандарттау, сертификаттау және метрология» білім беру бағдарламасының мақсаты - қазіргі заманғы еңбек нарығының талаптарына сәйкес келетін тұтыну тауарлары мен қызметтері саласындағы стандарттау, сертификаттау және метрология саласындағы инновацияға бағдарланған, бәсекеге қабілетті мамандарды сапалы даярлау.

Стандарттау, метрология және сертификаттау жөніндегі маман - өнімнің сапасын қамтамасыз ету және бағалау, оның сәйкестігін растайтын, сонымен қатар стандарттар мен басқа да нормативтік құжаттардағы өнімнің сапасы мен қауіпсіздігінің талаптарын қамтамасыз ететін өлшеу құралдарының (аспаптардың, жабдықтардың) жұмыс жағдайын бақылау, кәсіпорындар мен ұйымдарда сапа менеджменті жүйесін құру және бағалау саласындағы маман олып табылады.

Оқуды аяқтағанда берілетін дәреже: 6B07502 «Стандарттау, сертификаттау және метрология» мамандығы бойынша техника және технология бакалавры.

Мамандық лауазымдарының тізімі: стандарттау, сертификаттау, метрология маманы, сапа менеджері, метролог, колледж оқытушысы.

Орта білім негізінде (мектеп түлектері) күндізгі бөлімге түсушілер 5 пән бойынша ҰБТ түрінде түсу емтихандарын тапсырады (3 міндетті + 2 таңдау бойынша бейіндік пәндер).

6B07502 «Стандарттау, сертификаттау және метрология» білім беру бағдарламасы бойынша ҰБТ бейіндік пәндер:

1) Математика
2) Физика

Колледж түлектері университетке екі пән бойынша сұхбаттасу арқылы түседі:

1) жалпы кәсіби пән - физика;

2) Профильдік пән - стандарттау.

Бакалавриатта оқу мерзімі:

Орта білім негізінде (мектеп бітірушілер) - 4 жыл;

Орта арнаулы білім негізінде (колледж түлектері) - 3 жыл;

Жоғары білім негізінде қашықтықтан оқыту технологиясын қолданылатын күндізгі бөлім – 2 жыл.

Бакалавриат түлектері магистратурада оқуларын жалғастыра алады:

- ғылыми-педагогикалық салада - 2 жыл;

- профильдік бағыт бойынша - 1 жыл.

Жатақхана

Автор:Administrator. Жарияланған күні:21 Қаңтар 2015.

Жатақхана туралы ақпарат Қазтұтынуодағы Қарағанды университетінде  құрамында 4 жатақхана, стадион, теннис корты, баскетбол және волейбол алаңдары, жаттығу залы, медициналық орталық, студенттік кафе, шағын кір жуу орындары, ақпараттық-білім беру орталығы, адалдық дүкені бар студенттік кампустың негізі қаланған. Университет пен студенттік кампустың жатақханаларында  сымсыз желі Wi-FI  жұмыс істейді. Жалпы ауданы 14 000 шаршы метрден асатын, барлық заманауи талаптарға сай келетін 4 жатақханада 300-ден астам студент тұрады. Сізді әр жатақханада жылы атмосфера мен үйдегідей жайлылық күтеді. Қазтұтынуодағы Қарағанды университетінің жатақханалары жайлылығымен, қауіпсіздігімен және өмір сүру үшін барлық жағдаймен қамтамасыз етілуімен ерекшеленеді. Студенттер екі және төрт орындық бөлмелерде тұрады. Жатақханаларда өмір сүру, оқу және демалу үшін барлық жағдай жасалған. Сабаққа дайындалу мен бос уақытты тиімді өткізуге жағдай жасауға көп көңіл бөлінеді. Жатақханада сабаққа дайындалу үшін оқу залдары жабдықталған, компьютерлік сыныптар құрылған. Студенттік жатақханалар бейнебақылау камераларымен қамтамасыз етілген. Бейнежазба әр қабатта жасалады және күзетпен бақыланады. Жатақханаға кірер кезде тұрғындар электрондық рұқсаттамалар арқылы өтеді. Университет барлық мұқтаж жандарды жатақханадан орынмен қамтамасыз етуге тырысады. Студенттік жатақханалар келесі мекен-жайлар бойынша орналасқан: №1 жатақхана – Академическая көшесі, 5 (бөлмелер саны – 62) №2 жатақхана – Академическая көшесі, 7 (бөлмелер саны – 29) №3 жатақхана – Академическая көшесі, 5/1 (бөлмелер саны – 30) № 4 жатақхана-Комиссаров көшесі, 32 (бөлме саны – 69)     Жатақханаға электронды жолдама алу үшін студентке / талапкерге: Электрондық материалдарды тіркей отырып, онлайн өтініш беру: - студенттің / талапкердің жеке куәлігі; - фото 3*4; - әлеуметтік санаттағы анықтамалар (мүгедектігі туралы, отбасында ата-анасының қамқорлығынсыз қалған 4 және одан да көп баланың бар екендігі туралы растайтын құжаттар). Болған жағдайда. - спорт, ғылым, дебаттық қозғалыс және шығармашылық саласындағы халықаралық, республикалық және өңірлік деңгейдегі дипломдар, грамоталар (болған жағдайда). ** Өтініш 3 жұмыс күні ішінде қаралады. Өтінішке электрондық цифрлық қолтаңбамен (ЭЦҚ) қол қою. ** Егер студент / талапкер кәмелетке толмаған болса, онда студент/талапкердің өтінішіне ата-анасының біреуінің ЭЦҚ-сы қойылады. Өтініш "мақұлданды" мәртебесін алғаннан кейін тұрғын үй жалдау шартын жасасып, ЭЦҚ-мен қол қою қажет. Тұрғаны үшін төлемді жүргізу (11 500 теңге мөлшерінде) және төлем туралы түбіртекті электронды түрде бекіту (міндетті түрде төлем атауы бағанында "жатақхана үшін төлем"деп көрсету керек). ** Төлемді мобильді банкинг (Kaspi Банк ЦентрКредит, Халық банкі) қосымшасы арқылы жүргізуге болады. Университет ректорының тұрғын үй жалдау шартына қол қоюын күту. Қоныстануға электрондық жолдама алу. Жолдамада көрсетілген мекенжай бойынша университет жатақханасына жүгіну. Орналасу кезінде жатақхана комендантына ұсыну қажет: Жатақхана беру туралы жолдама; Медициналық анықтама (балдан өту.университеттің медпунктінде тексеру, 205 каб.)       Байланыс телефоны : 8 (7212) 44-16-24 (доб.169) Қазтұтынуодағы Қарағанды университетінің жатақханасына орналасуға басқа қалалардан келген студенттер басым құқыққа ие: 1) мүгедектер қатарындағы кемтар адамдар, бала кезінен мүгедектер, I және II топтағы мүгедектер, мүгедек балалар, жетім балалар және ата-анасының қамқорлығынсыз қалған балалар, екі немесе бір ата-анасының мүгедектігі (1 және 2-топ) болған кезде (екі немесе жалғыз ата-анасының қайтыс болуы туралы куәліктің көшірмесі не балалар үйінен анықтама, мүгедектік туралы анықтаманың көшірмесі); 2)кәмелетке толған кезде ата-анасының қамқорлығынсыз қалған жастар қатарындағы адамдар, жеңілдіктер мен кепілдіктер бойынша Ұлы Отан соғысының қатысушылары мен мүгедектеріне теңестірілген адамдар, ауылдың әлеуметтік-экономикалық дамуын айқындайтын мамандықтарға келіп түскен ауыл жастары қатарындағы адамдар, сондай-ақ Қазақстан Республикасының азаматтары болып табылмайтын оралман мәртебесі бар адамдар (қорғаншылық және қамқоршылық жөніндегі анықтаманың көшірмесі, оралман куәлігінің көшірмесі); 3) бірінші курсқа қабылданған, "Алтын белгі" белгісі бар білім алушылар, Президенттік, халықаралық және республикалық олимпиада және конкурс жеңімпазының сертификаты бар білім алушылар, сондай-ақ оқу орнын үздік бітірген талапкерлер білімі туралы растайтын құжатпен (куәліктің, аттестаттың, дипломның көшірмесі); 4)ҚР БҒМ Білім беру грантының иегерлеріне (білім беру грантын тағайындау туралы куәліктің көшірмесі); 5)егер отбасында 18 жасқа дейінгі 3-тен астам бала болса және анасының "Алтын алқа" немесе "Күміс алқа" белгісі болса, көпбалалы отбасынан шыққан (отбасында 4 және одан да көп бала бар екендігі туралы анықтаманың көшірмесі); 6) Қазтұтынуодағы Қарағанды университетіне халықаралық келісімдер (келісімшарттар) бойынша оқуға қабылданған шетелдік азаматтар жатақханаға жалпы негізде орналастырылады; 7) оқу, ғылыми және қоғамдық жұмыста жоғары нәтижелері бар жоғары курс студенттері қатарында оқитындар (транскрипт көшірмесі, грамоталардың, дипломдардың көшірмелері). Attachments: Жатақханаларына_қоныстандыру_және_одан_шығару_Ережесі_2024.pdf 372 kB Жатақханасында_тұру_ережесі_2024_1.pdf 437 kB СТУДЕНТТЕР ЖАТАҚХАНАСЫ ТУРАЛЫ ЕРЕЖЕ2024.pdf 415 kB

Кафедры

Автор:Administrator. Жарияланған күні:16 Қаңтар 2015.

Кафедра "Информационно-вычислительных систем"

Кафедра "Товароведения и сертификации"

Кафедра "Экологии и оценки"

Кафедра "Высшей математики"

Басшылар

Автор:Administrator. Жарияланған күні:05 Қаңтар 2015.

Ақпараттық – техникалық факультеті

Автор:Administrator. Жарияланған күні:24 Желтоқсан 2014.

Құрметті талапкерлер, болашақ Ақпараттық – техникалық факультеті студенттері!

Сіздер білім алу үшін Қазақстанның ең беделді университеттерінің бірі – бұдан 50 жыл бұрын 1966 жылы құрылған Қарағанды экономикалық университетін таңдадыңыздар. Сіздердің алдарыңызда қазақстанның экономикасының инновациялық дамуына қойылатын талаптарға сәйкес мақсатын жоғары квалификаияланған мамандарды дайындау деп анықтаған жаңа факультет.
Біздің білім беру бағдарламаларымыздың басты міндеттері болып «жоғары технологияларды» жетік білетін, оларды «нарықта» өткізе алатын, пантенттік-ақпараттық жұмыс, стандарттау мен сертификаттау, азық-түлік өнімдерінің технологиясы, информатика, қоршаған ортаның экологиясы мен жылжитын және жылжымайтын мүлікті техникалық және экономикалық бағлау, т.б. өрістеріндегі білімнің барлық спектрін жетік меңгерген жаңа типті инженер-менеджерлерін дайындау болып табылады.
Студенттер кіші курстардан бастап аудандық және қазақстандық, сонымен бірге әлемдік тәжірибеге бағдарланған байсалды ғылыми-зерттеу қызметтерімен айналысады. Себебі біздің университеттегі білім берудің басты маңыздылығы болып интегрция, яғни оқу процесінің ғылыми зерттеулермен тығыз байланысы саналады.
Біздің студенттер серігуге де уақыт табады. Спорт өмірі бізді аралап өтпейді. Біздің студенттер әр түрлі спорттық жарыстар мен жаппай мәдени іс-шараларға қатысады. Біздің түлектеріміз мемлекеттік басқару органдарында, ғылыми-техникалық салада, ірі мемлекеттік және жеке өндірістік банктерде, сақтандырушы компания банктерінде, венчурлық ұйымдарда және басқа да меншік түрі кез келген ұйымдарда жұмыстар атқарады. Біз барлығымыз – студенттер де, магистранттар да, оқытушылар да, қызметкерлер де – университетімізбен мақтанамыз, және де сіздерді университеттік отбасымыздың мүшесі ретінде көруге өте қуанышытымыз! ҰБТ-да сәттілік!

Құрметпен,
ҚЭУ 1971 жылғы түлегі, АТФ деканы, профессор
Улаков Сайран Нұрсұлтанұлы

Қашықтықтан оқыту факультеті (ҚОФ)

Автор:Administrator. Жарияланған күні:24 Желтоқсан 2014.

Қазтұтынуодағы Қарағанды ​​университеті қашықтықтан - жаңа технология арқылы жоғары білім алуды ұсынады. Бұл бағыттағы оқу процесін ұйымдастыруды қашықтықтан оқыту факультеті жүзеге асырады.

Факультеттің мақсаты: заманауи ақпараттық технологиялар негізінде жоғары білікті мамандарды дайындау.

​Қашықтықтан оқыту технологиясын (ҚОТ) қолдану арқылы университетте оқу үдерісін ұйымдастырудың негізгі мақсаттары – оқытуды даралау, ҚҚарУ-дегі білім беру ортасын кеңейту, үздіксіз білім алу үшін жағдай жасау, білім беру қызметтеріне қажеттіліктерді жүзеге асыру, біртұтас білім беру кеңістігін дамыту.

Қашықтықтан оқытудың басты артықшылығы – оқытуға заманауи көзқарас, қарқынды цифрландыру және білім берудегі интернет-технологияларды дамыту, оқу материалдары мен басқа да ақпараттық ресурстарға еркін қол жеткізу, жастар үшін үлкен мобильділік және бір мезгілде білім беру саласында оқыту мүмкіндігі. Қазақстан Республикасында және шетелде ерекше қажеттіліктері бар студенттер санының артуы және инклюзивті білім беруді дамыту.

ҚҚарУ-де қашықтықтан оқыту келесілер арқылы жүзеге асырылады:

− plt.keu.kz білім порталы,

− қашықтықтан оқытуды технологиялық қамтамасыз ету сервері;

− Интернетке кіру мүмкіндігі бар жергілікті желі;

− keu.kz сайтындағы MOOC, PLATONUS ақпараттық жүйесіндегі барлық пәндерге арналған кешен.

ҚОФ студенттерінің контингенті колледждер мен жоғары оқу орындарының түлектері, жас ата-аналар, белгілі компаниялардың топ-менеджерлері, мемлекеттік органдардың басшыларынан тұрады, бұл факультет ұсынатын көп қырлы мүмкіндіктерді көрсетеді.

Қазтұтынуодағы Қарағанды ​​университетінің қашықтықтан оқыту факультетінің түлектері еңбек нарығында тұрақты сұранысқа ие. Олардың көпшілігі жоғары кәсіби мансапқа ие болды және мемлекеттік қызмет пен бизнесте жетекші орындарды иеленді.

Мекенжайы: Академическая көшесі 9, каб.: декан 131, әдіскерлер 129, 
Тел.: (87212) 44-16-27(87212- 441624 ішкі. 6565) декан
E-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

Бизнес, құқық және технология факультетінің (БҚТФ)

Автор:Administrator. Жарияланған күні:24 Желтоқсан 2014.

Құрметті талапкер!

Болашақ мамандық пен оқу орнын таңдау – әр адамның өміріндегі ең маңызды кезеңдердің бірі. Дәл осы уақытта кәсіби қалыптасудың, мансаптық өсудің және өзін-өзі жүзеге асырудың іргетасы қаланады. Бүгін сіздің алдыңызда өз кәсіби дамуыңыздың бағытын айқындап, саналы түрде білім алу жолын таңдаудың жауапты сәті тұр.
Қазтұтынуодағы Қарағанды университетінің Бизнес, құқық және технология факультеті студенттерге сапалы білім алуға, ғылыми-зерттеу қызметіне белсенді қатысуға және жастар мен қолданбалы жобалар аясында өз бастамаларын жүзеге асыруға кең мүмкіндіктер ұсынады. Оқу үдерісі еңбек нарығының заманауи талаптарына сәйкес және жоғары білікті оқытушылар мен ғылыми жетекшілердің қатысуымен әзірленген білім беру бағдарламалары негізінде жүзеге асырылады.
Факультетте оқу тек теориялық біліммен шектелмей, қазіргі экономикалық және құқықтық ортада табысты жұмыс істеу үшін қажетті практикалық дағдыларды дамытуға бағытталған.
Профессор-оқытушылар құрамының атынан және осы факультеттің түлегі ретінде сіздерді Қазтұтынуодағы Қарағанды университетінде студенттік жылдарыңызды өткізуге шақырамын. Мұнда оқу тек пайдалы ғана емес, сонымен қатар жарқын сәттер мен жаңа ашылуларға толы болатынына сенімдімін.

Құрметпен,
Бизнес, құқық және технология факультетінің деканы
PhD, доцент Рахимгулова Маншүк Булатқызы
Байланыс телефоны: 8(7212) 44-15-58 (ішкі 120)
Оқу-әдістемелік жұмыс жөніндегі декан орынбасары – Рысжанова Гүлнұр Саматқызы
Тәрбие жұмысы жөніндегі декан орынбасары – Әбиев Ержан Сапарғалиевич
Байланыс телефоны: 8(7212) 44-15-58 (ішкі 121)

 ФАКУЛЬТЕТ ТАРИХЫ

Факультет өз заманына сай жеті кафедрамен танымал:
«Туризм және мейрамхана ісі» (кафедра меңгерушісі э.ғ.к., аға оқытушы А.А. Гарипова), «Әлеуметтік-саяси пәндер және Қазақстан халқы Ассамблеясы» (кафедра меңгерушісі PhD докторы, доцент М.Б. Алпысбаева), «Экономикалық қатынастардың құқықтық реттеу» (кафедра меңгерушісі з.ғ.к., профессор Н.Р. Весельская), «Жалпы құқықтық және арнайы пәндер» (кафедра меңгерушісі PhD докторы, қауымдастырылған профессор Г.Ж. Мұхамадиева), «Тауартану және сертификаттау» (кафедра меңгерушісі п.ғ.д., профессор Г.А. Есенбаева), «Дене шынықтыру және спорт менеджменті» (кафедра меңгерушісі п.ғ.к., профессор Л.С. Сырымбетова), «Психология, педагогика және әлеуметтік жұмыс» (кафедра меңгерушісі п.ғ.к., доцент М.К. Абакимова).
Факультет өзінің қырық жылдық тарихында ғылыми, оқу-әдістемелік, тәрбиелік және халықаралық қызмет салаларында бай тәжірибе жинақтады және өз қызметімен ғылыми кәсіби мансаптарын байланыстырған оқытушылар мен қызметкерлерімен заңды түрде мақтанады. Жоғары кәсібилік пен тұлғалық қасиеттерімен олар жоғары мектеп дәстүрлерін ғана емес, сонымен қатар гуманизм, ұжымшылдық және психологиялық жайлылық атмосферасын қалыптастырды, бұл Бизнес, құқық және технологиялар факультетінің айрықша ерекшелігі болып табылады.
Факультеттің жетістіктері ардагерлерге тиесілі. Олардың ішінде: Н. Алексеев, Т. Алексеенко, А. Алимбаев, С. Адамбекова, Л. Анциперова, А. Артеменко, Б. Байдулаев, О. Башкенов, В. Демчишин, Ш. Дюсенова, А. Емелина, Е. Ертісбаев, Р. Ешкеев, Т. Жандильдин, С. Закарин, М. Ибраев, С. Исабеков, Ш. Каланова, Б. Кәсенов, Қ. Кенжин, М. Клишина, К. Крюков, С. Курлеубаев, Г. Матушкин, А. Маяковская, В. Маяковский, Л. Меркулова, С. Мустафин, Н. Никитина, И. Перегудов, М. Серикбаева, М. Фейдак, Р. Шарипов, С. Шеръязданов.

Бизнес, құқық және технологиялар факультеті келесі білім беру бағдарламалары шеңберінде жоғары білікті бакалаврларды даярлайды:
6В04212 – Құқықтану
6В04215 – «Құқықтану: экономика саласындағы құқықтық реттеу»
6В11101 – Туризм
6В11102 – Мейрамхана ісі және қонақ үй бизнесі
6В07502 – Стандарттау, сертификаттау және метрология
6В07502 – Тағам өнімдерінің технологиясы
6В11404 – Әлеуметтік жұмыс
6В01402 – Дене шынықтыру және спорт менеджменті
6B0108801 – Дене мәдениеті және спорт менеджменті
6В04214 – Сот және құқық қорғау қызметі
6В03102 – Психология және білім берудегі менеджмент
7М04201, 7М04202 – Құқықтану
7М07203 – Тұрақты технологиялар және азық-түлік өндірісіндегі инновациялар
7М04203 – «Қаржылық қауіпсіздікті құқықтық қамтамасыз ету»
ЕМВА 7М04118 – «Спорт менеджменті»
7М07201, 7М07202 – Тағам өнімдерінің технологиясы
7М07501, 7М07502 – Стандарттау және сертификаттау
7М11101, 7М11102 – Туризм

Қаржы, логистика және сандық технологиялар факультеті (ҚЛСТФ)

Автор:Administrator. Жарияланған күні:24 Желтоқсан 2014.

Қазтұтынуодағы Қарағанды университетінің Қаржы, логистика және цифрлық технологиялар факультеті 1966 жылдан бастап білім беру қызметтері нарығында жұмыс істеп келеді. Есеп-қаржы факультетінің тарихы 1968 жылдан бастау алады, ол кезде факультет ҚазКооператив институтының негізгі құрылымдық бөлімшесі болған экономика факультетінен бөлініп шықты.

Факультет экономика саласының әртүрлі бағыттарында сұранысқа ие білікті мамандарды даярлайды. Біздің түлектер Қазақстанда да, шетелде де табысты еңбек етіп жүр. Жоғары кәсіби дайындық заманауи еңбек нарығында бәсекеге қабілетті болуға мүмкіндік береді.

Әр жылдары факультетті дамуына елеулі үлес қосқан декандар басқарды: Акимбеков С.А. (1966–1968), Харченко И.И. (1968–1970), Шумеков З.Ш. (1970–1981), Куанышев С.С. (1981–1988 және 1990–1997), Жакупов Г.С. (1988–1989), Карашолаков С.А. (1989–1990), Алмажанов Е.А. (1995–2005), Накипова Г.Е. (2005–2006), Кудайбергенова С.К. (2006–2008), Накипова Г.Е. (2009–2017), Серикова Г.С. (2017–2025).
2025 жылғы қыркүйектен бастап факультеттің деканы – Мусипова Л.К.

Факультет құрамында бес кафедра жұмыс істейді: «Бухгалтерлік есеп және аудит», «Маркетинг және логистика», «Қаржы», «Цифрлық инженерия және IT-аналитика», «Жоғары математика».

Оқыту бағдарламалары:

• 6B04103 – Есеп және аудит
• 6B04104 – Қаржы
• 6B04106 – Маркетинг
• 6B11303 – Логистика
• 6B06101 – Ақпараттық жүйелер
• 6B06102 – Есептеу техникасы және бағдарламалық қамтамасыз ету
• 6B06103 – IT-аналитика
• 6B06104 – Цифрлық дизайн және мультимедиа
• 6B04109 – Цифрлық экономикадағы қаржылық технологиялар

Біз әлеуметтік желілердепіз

Құрметті талапкер!!!

Университетке түсу – әрбір адамның өміріндегі маңызды қадам, жаңа мүмкіндіктерге, жаңалықтарға және кәсіби өсуге жол ашатын кезеңнің бастауы. Осы сәттен бастап Сіз жаңа мәртебеге – студентке ие боласыз, және біз Сізді Қаржы, логистика және цифрлық технологиялар факультетінде қарсы алуға қуаныштымыз.
Бірінші күннен бастап біз жаңа академиялық ортаға бейімделу үшін қолайлы жағдай жасауға тырысамыз. Факультет басшылығы, кураторлар мен оқытушылар Сізге қажетті қолдау көрсетуге, сұрақтарға жауап беруге және оқу процесіне бағыттауға дайын.
Бірінші курста ерекше көңіл гуманитарлық негізге аударылады, ол кейіннен бейіндік пәндерді меңгеруге берік іргетас болады. Негізгі мақсат – Сізді тиімді оқуға, уақытыңызды дұрыс ұйымдастыруға және қойылған мақсаттарға сенімді түрде жетуге үйрету.
Факультеттің профессор-оқытушылар құрамы – тәжірибелі, практикалық бағыттағы мамандар. Олардың қолдауы арқасында студенттер өз жолын тауып, кәсіби болашақтарын айқындайды.
Сонымен қатар студенттік өмір жарқын оқиғаларға толы: қоғамдық, спорттық және мәдени шараларға қатысу, бастамаларды жүзеге асыру, көшбасшылық қабілеттерді дамыту.
Біздің факультеттегі оқу – Сіздің кәсіби әрі тұлғалық жетістігіңізге бастайтын маңызды баспалдақ болатынына сенімдіміз.
Қаржы, логистика және цифрлық технологиялар факультетінің достық академиялық отбасына қош келдіңіз!

Ізгі ниетпен, Қаржы, логистика және сандық технологиялар факультетінің деканы
Мусипова Лэйля Камаровна

Мекен-жайымыз -.Академическая көшесі, 9
- 280 каб.- декан
- 282 каб. – декан орынбасарлары
- 283 каб. - хатшы
Тел.: (87212) 44-16-29 (ішкі.130) - декан; ішкі 163 – декан орынбасарлары;136 – хатшы.
E-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

Экономика, басқару және кәсіпкерлік факультеті (ЭБКФ)

Автор:Administrator. Жарияланған күні:24 Желтоқсан 2014.

Құрметті бірінші курс студенттері!

Өз атымнан және Қазтұтынуодағы Қарағанды университетінің Экономика, басқару және кәсіпкерлік факультетінің барлық оқытушылары мен қызметкерлері атынан сіздерді біздің үлкен әрі тату академиялық отбасымызға қош келдіңіздер деп қуанышпен қарсы аламын!

Бүгін сіздер маңызды қадам жасап, болашағыңызды айқындайтын жолды таңдадыңыздар. Бұл жай ғана университетке түсу емес – бұл білімге, жаңа мүмкіндіктерге және тұлғалық дамуға апаратын қызықты саяхаттың бастауы. Бізді таңдау арқылы сіздер тек мамандық қана емес, шығармашылыққа, инновацияға және тәжірибеге толы өмір салтын таңдадыңыздар.

Біздің факультет – әрқайсыңыз өз әлеуетіңізді ашып, өзін таба алатын және армандаған мансапты құра алатын орта. Мұнда білім нақты жобалармен, халықаралық тәжірибемен және жан-жақты қолдаумен ұштасады. Біз заманауи стандарттарға сай жұмыс істейміз және сіздердің тек Қазақстанда ғана емес, шетелде де сұранысқа ие маман болуыңыз үшін уақытпен бірге қадам басамыз.

Қазіргі тез өзгеріп жатқан әлемде экономика мен бизнес барған сайын жаһандық сипат алуда, сондықтан әмбебап құзыреттер мен тез бейімделе білу – табыстың басты кілті. Біз сіздерге жай ғана оқуды емес, тұтас мүмкіндіктер экожүйесін ұсынамыз: халықаралық бағдарламаларға қатысу, тағылымдамалар, әлемнің жетекші университеттерімен бірлескен жобалар.

Алайда шынайы табысқа жету үшін сіздердің өздеріңіздің жігерлеріңіз, табандылықтарыңыз және күн сайын оқып-үйренуге дайындықтарыңыз қажет. Өзіңізге сеніңіздер, биік мақсаттар қойыңыздар және қиындықтарға қарамастан алға ұмтылыңыздар. Біз сенеміз: сіздердің араларыңыздан болашақ көшбасшылар, кәсіпкерлер мен менеджерлер шығып, әлемді жақсы жаққа өзгертеді.

Сіздерге осы жолда шабыт пен күш-жігер тілеймін. Экономика, басқару және кәсіпкерлік факультетіне қош келдіңіздер! Сіздердің болашақтарыңыз дәл осы жерден басталады!

Факультет деканы, э.ғ.к., профессор Гимранова Г.И.
Байланыс телефоны: 8(7212)44161

Біз әлеуметтік желілердепіз

Факультет туралы

Экономикалық факультет 1966 жылы құрылған және Қазтұтынуодағы Қарағанды кооперативтік институтының алғашқы әрі жалғыз құрылымдық бөлімшесі болып, өңірдегі экономикалық білім берудің дамуына бастау болды. Оның құрамына саяси экономия, жоғарғы математика, экономикалық география және экономикалық тарих, шетел тілдері, КОКП тарихы, өндірістік және азық-түлік тауарларын тану, сондай-ақ дене шынықтыру кафедралары кірді. Бұл мамандарды даярлауда кешенді пәнаралық көзқарасты қамтамасыз етті.

1970 жылы факультет институт тарихындағы алғашқы 190 жоғары білікті экономист-сауда мамандарын дайындап шығарды. Олар республиканың тұтыну кооперациясын дамытуда негізгі рөл атқарды. Түлектердің арасында — қазіргі таңда Қазтұтынуодағы басқармасының төрағасы Х. Ашляев; Павлодар облпотребсоюзының төрағасы және Қазтұтынуодағы басқарма төрағасының орынбасары болған Е. Алиакпаров; сондай-ақ Павлодар облпотребсоюзы төрағасының орынбасары, кооперативтік колледж директоры Е. Кадырбаев бар.

Факультеттің түлектерінің қатарында — университет ректоры, экономика ғылымдарының докторы, профессор Е.Б. Аймағамбетов; оқу ісі жөніндегі бірінші проректор (2000–2022 жж.), экономика ғылымдарының кандидаты, профессор Р.О. Бугубаева; сондай-ақ 2023 жылдан бастап халықаралық ынтымақтастық және стратегиялық даму жөніндегі проректор, экономика ғылымдарының кандидаты, профессор А.Т. Абдикаримова бар.

Факультет түлектері Қазақстанның барлық негізгі экономика секторларында және шетелдерде жұмыс істеп, Президент Әкімшілігінде, Үкіметте, министрліктерде, ведомстволарда және коммерциялық құрылымдарда жауапты қызметтер атқаруда.

Факультеттің тиімді жұмысын кафедра меңгерушілері, ғылыми-әдістемелік бюро төрағалары, кураторлар кеңесі және Жастар ісі жөніндегі комитет қамтамасыз етеді. Профессор-оқытушылар құрамы жоғары білікті мамандардан құралған. Университеттік конкурстардың нәтижелері бойынша факультет бірнеше рет «Үздік факультет» деп танылды.

Факультет келесі білім беру бағдарламаларын ұсынады:

6В04101 «Экономика»

6В04102 «Менеджмент»

6В04111 «Жоба-инновациялық менеджмент»

6В04105 «Мемлекеттік және жергілікті басқару»

6В04110 «Мемлекет және бизнес басқаруы»

6В03101 «Халықаралық қатынастар»

6В04107 «Әлемдік экономика»

6В05201 «Экология»

6В04108 «Бағалау»

6В05203 «Тұрақты дамудың экотехнологиялары»

Магистратура деңгейінде: «Экономика», «Менеджмент», «Стратегиялық менеджмент және көшбасшылық» (MBA), «Көшбасшылық және корпоративтік басқару» (EMBA), «Халықаралық бизнес», «Мемлекеттік және жергілікті басқару», «Бағалау».

Факультет бакалавриат, магистратура және PhD деңгейінде мамандар даярлайды.

Факультет студенттері спорт саласында да жетістікке жетуде. 2-курс студенті Темірлан Аубакиров — джиу-джитсудан әлем чемпионы (Мәскеу, 2025 ж.). 3-курс студенті Кирилл Кузнецов — пауэрлифтингтен Азия чемпионы, Еуропа және Азия рекордшысы.

Факультет құрамында 7 кафедра бар:

Қазақ тілі және Қазақстан мәдениеті

Шетел және орыс тілдері

Әлемдік экономика және халықаралық қатынастар

Экономикалық теория, мемлекеттік және жергілікті басқару

Экономика және кәсіпкерлік

Экология және бағалау

Менеджмент және инновациялар