Ақпарат
Университеттің Қауіпсіздік қызметі туралы

Жұмыстың, оқудың қауіпсіздік тәртібін, университеттің материалдық қымбаттылықтарын сақтау мақсатымен, университет ректорының бұйрығымен 2014 жылдың 1 шілдесінде Қауіпсіздік қызметі құрылды.

Қауіпсіздік қызметінің мақсаттары:
1.1Университет аумағында қоғамдық тәртіпті ұйымдастыру және сақтау.
1.2Университет қызметкерлерінің, оқытушылардың, студенттердің құқықтарын қорғау, қауіпсіздікті ұйымдастыру және қамтамасыз ету.
1.3Университет нысанының материалдық қымбаттылықтарын және қаржысының қауіпсіздігін ұйымдастыру және қамтамасыз ету.
1.4Университеттің шаруашылық қызметінің және экономикалық қауіпсіздігін қорғау.
1.5Университет студенттерінің арасында құқық бұзушылықтың алдын алу.

Бөлімшенің негізгі функциялары:

1)Университет ғимаратына және территориясына қызметкерлердің, студенттердің және басқа тұлғалармен, автокөліктердің келу тәртібін және университет территориясында немесе территориядан тыс жерден университет меншігінің қозғалыс тәртібін қадағалау.
2)Университет нысандарын ұрлықтан, өрт салудан басқа да қылмыстық істерден және қоғамдық тәртіп бұзудан сақтау.
3)Университет нысандарының қауіпсіздік шараларын әзірлеу.
4)Қорғау дабылының дұрыс жұмыс істеууін қамтамасыз ету, оның жағдайын қадағалау және істен шыққан кезде жөндеу жұмыстарын жасау.
5)Қызметкерлер, студенттер және басқа тұлғалардың қатынасты басқару жүйесін қамтамасыз ету. Қауіпсіздік қызметінің қызметкерлерінің қатынасты басқару тәртібін қадағалауы, университет ректорының 27 тамыз 2014 жылдың №58-п бұйрығымен орындалады.
6)Университет құрылымына қатысты қылмыстық бұзушылықтың, қоғамдық тәртіп бұзушылықтың алдын алу, болдырмау, анықтау бойынша шараларды әзірлеу және орындау.
7)Университетке немесе оның қызметкерлеріне қарсы жасалған қылмыстардың, құқық бұзушылықтың фактісі бойынша ақпаратты құқық сақтау бөлімдеріне беруге әзірлеу.

Қауіпсіздік қызметінің негізгі құжаттары:
Қазақстан Республикасының Конституциясы;
Қазақстан Республикасының Еңбек Кодексі;
Қазақстан Республикасының Заңдары;
Қазақстан Республикасының Үкіметінің білім беру жүйесіндегі қаулылары;
Қазақстан Республикасының білім және ғылым Министрлігінің нормативті актілері;
Қазақстан Республикасының мемлекеттік стандарттарының ИСО 9000 халықаралық стандарттарына сай әзірленген қағидалар;
Қазтұтынуодағы Қарағанды экономикалық университетінің Жарғысы;
Қазтұтынуодағы Қарағанды экономикалық университетінің оқытушылар және қызметкерлердің кәсіби этика Кодексі;
Университет ректоратының, Ғылыми кеңес шешімдерімен, ректордың қаулылары және бұйрықтарымен;
Білім беру саласындағы қызметтік және қауіпсіздікті қамтамасыз ету актілерімен;

Университет ректоры бекіткен қауіпсіздік қызметінің шартымен.

Қауіпсіздік қызметінің қызметкерлері университет қамтамасыз ететін кәсіптік киімде қызмет етеді.
Қауіпсіздік қызметі жұмыстың барлық салалары бойынша құжат жүргізеді, оқу жылының қорытындысы бойынша есеп жасайды.
Ай сайын анықталған құқық бұзушылық және қызметкерлердің ішкі тәртіпті бұзулары туралы есеп әзірлеп, университет ректорына ұсынады.

Медициналық пунктінің негізгі міндеттері мен функциялары:
- студенттерге, профессор-оқытушы құрамына, қызметкерлерге алғашқы медициналық көмек көрсету;
- студенттердің уақытша еңбекке жарамсыздығының тұрақты сараптамасын өткізеді, денсаулығының жағдайы туралы анықтама беріп, сабақтардан босатуын ұйымдастырады;
- учаскелік дәрігердің жолдамасы бойынша аурудың қайталауына қарсы емді қамтамасыз етіп, физио ем-шаралар мен егулерді жүзеге асырады;
- ЖИТС, нашақорлық, жыныстық қатынастан жұғатын соз аурулар бойынша дәрістерді оқу арқылы (жетекші мамандар мен СӨС қызметкерлерін шақырып), санитарлық-ағарту жұмыстарды жүргізу, әр тақырыптарға санбюллетеньдерді шығару;
- студенттердің және ПОҚ флюорографиялық тексеруін қамтамасыз ету.

Терапевт-дәрігер қызметінің негізгі бағыттары
- студенттерге, оқытушыларға және қызметкерлерге дер кезінде сапалы медициналық көмек көрсету бойынша медпункті ұжымының жұмысын ұйымдастырады;
- студенттердің уақытша еңбекке жарамсыздығының сараптамасын жүргізіп, денсаулығының жағдайы туралы анықтама беріп, оқу жылының аяғына дейін сабақтардан босатады;
- университеттің студенттері мен қызметкерлерінің 100% флюорографиялық тексеруін қамтамасыз етеді (өкпе туберкулезін айқындап табу бойынша);
- учаскелік дәрігердің белгілеуі бойынша аурудың қайталауына қарсы ем жасап, физиотерапевтикалық ем-шараларды жүзеге асырады, белгіленген диагноз бойынша ем таңдап, ем-шаралар әдістемесін жазып, ауруға физио ем-шаралардың емдеу тетігін түсіндіріп, қауіпсіздік техникасымен таныстырады.

Медпунктінің медбикесі қызметінің негізгі бағыттары
- инфекциялық қауіпсіздікті қамтамасыз етеді (санитарлық-гигиеналық және эпидемияға қарсы режимінің ережелерін сақтап, медициналық белгіленуі бар бұйымдарды дұрыс сақтап, залалсыздандырады).
- ауруларды күту барысында медбикелік үдерістің барлық кезеңдерін жүзеге асырады (аурудың хал-жағдайының алғашқы бағалауы, алынған деректерге талдау беру, күтімді жоспарлау).
- дәрігер белгілеген сақтық және ем-диагностикалық ем-шараларды дер кезінде және сапалы орындайды.
- қатты ауырып қалған жағдайларда, сәтсіз оқиға және апат болған жағдайда дәрігер келгенше шұғыл жәрдем көрсетіп, дәрігерді шақырады немесе ауруды жақын орналасқан емханаға жеткізеді.
- талып қалуға қарсы (анафилактикалық талып қалу жағдайында) тіршілік көрсеткіштері бойынша (дәрігердің ауруға дер кезінде келуге мүмкіндігі болмаған жағдайда) осындай жағдай барысында белгіленген әрекеттер тәртібіне сәйкес ем жасайды.
- дәрілердің дұрыс сақтауын, есебін және есептеп шығаруын, аурулардың дәрілерді қабылдау ережелерін сақтауын қамтамасыз етеді.
- бекітілген медициналық есепке алу – есеп беру құжаттамаларын жүргізеді;
- денсаулықты нығайту, аурулардың алдын алу, саламатты өмір салтын ұстану бойынша санитарлық – ағарту жұмыс жүргізеді.

Жатақхана туралы ақпарат

Қазтұтынуодағы Қарағанды университетінде  құрамында 4 жатақхана, стадион, теннис корты, баскетбол және волейбол алаңдары, жаттығу залы, медициналық орталық, студенттік кафе, шағын кір жуу орындары, ақпараттық-білім беру орталығы, адалдық дүкені бар студенттік кампустың негізі қаланған. Университет пен студенттік кампустың жатақханаларында  сымсыз желі Wi-FI  жұмыс істейді.

Жалпы ауданы 14 000 шаршы метрден асатын, барлық заманауи талаптарға сай келетін 4 жатақханада 300-ден астам студент тұрады. Сізді әр жатақханада жылы атмосфера мен үйдегідей жайлылық күтеді.

Қазтұтынуодағы Қарағанды университетінің жатақханалары жайлылығымен, қауіпсіздігімен және өмір сүру үшін барлық жағдаймен қамтамасыз етілуімен ерекшеленеді. Студенттер екі және төрт орындық бөлмелерде тұрады. Жатақханаларда өмір сүру, оқу және демалу үшін барлық жағдай жасалған. Сабаққа дайындалу мен бос уақытты тиімді өткізуге жағдай жасауға көп көңіл бөлінеді. Жатақханада сабаққа дайындалу үшін оқу залдары жабдықталған, компьютерлік сыныптар құрылған.

Студенттік жатақханалар бейнебақылау камераларымен қамтамасыз етілген. Бейнежазба әр қабатта жасалады және күзетпен бақыланады. Жатақханаға кірер кезде тұрғындар электрондық рұқсаттамалар арқылы өтеді.

Университет барлық мұқтаж жандарды жатақханадан орынмен қамтамасыз етуге тырысады.

Студенттік жатақханалар келесі мекен-жайлар бойынша орналасқан:

№1 жатақхана – Академическая көшесі, 5 (бөлмелер саны – 62)

№2 жатақхана – Академическая көшесі, 7 (бөлмелер саны – 29)

№3 жатақхана – Академическая көшесі, 5/1 (бөлмелер саны – 30)

№ 4 жатақхана-Комиссаров көшесі, 32 (бөлме саны – 69)

Жатақханаға электронды жолдама алу үшін студентке / талапкерге:

1. Электрондық материалдарды тіркей отырып, онлайн өтініш беру:

- студенттің / талапкердің жеке куәлігі;

- фото 3*4;

- әлеуметтік санаттағы анықтамалар (мүгедектігі туралы, отбасында ата-анасының қамқорлығынсыз қалған 4 және одан да көп баланың бар екендігі туралы растайтын құжаттар). Болған жағдайда.

- спорт, ғылым, дебаттық қозғалыс және шығармашылық саласындағы халықаралық, республикалық және өңірлік деңгейдегі дипломдар, грамоталар (болған жағдайда).

** Өтініш 3 жұмыс күні ішінде қаралады.

3. Өтінішке электрондық цифрлық қолтаңбамен (ЭЦҚ) қол қою.

** Егер студент / талапкер кәмелетке толмаған болса, онда студент/талапкердің өтінішіне ата-анасының біреуінің ЭЦҚ-сы қойылады.

4. Өтініш "мақұлданды" мәртебесін алғаннан кейін тұрғын үй жалдау шартын жасасып, ЭЦҚ-мен қол қою қажет.
5. Тұрғаны үшін төлемді жүргізу (11 500 теңге мөлшерінде) және төлем туралы түбіртекті электронды түрде бекіту (міндетті түрде төлем атауы бағанында "жатақхана үшін төлем"деп көрсету керек).

** Төлемді мобильді банкинг (Kaspi Банк ЦентрКредит, Халық банкі) қосымшасы арқылы жүргізуге болады.

6. Университет ректорының тұрғын үй жалдау шартына қол қоюын күту.
7. Қоныстануға электрондық жолдама алу.
8. Жолдамада көрсетілген мекенжай бойынша университет жатақханасына жүгіну.

Орналасу кезінде жатақхана комендантына ұсыну қажет:

1. Жатақхана беру туралы жолдама;
2. Медициналық анықтама (балдан өту.университеттің медпунктінде тексеру, 205 каб.)

      Байланыс телефоны :

8 (7212) 44-16-24 (доб.169)

Қазтұтынуодағы Қарағанды университетінің жатақханасына орналасуға басқа қалалардан келген студенттер басым құқыққа ие:

1) мүгедектер қатарындағы кемтар адамдар, бала кезінен мүгедектер, I және II топтағы мүгедектер, мүгедек балалар, жетім балалар және ата-анасының қамқорлығынсыз қалған балалар, екі немесе бір ата-анасының мүгедектігі (1 және 2-топ) болған кезде (екі немесе жалғыз ата-анасының қайтыс болуы туралы куәліктің көшірмесі не балалар үйінен анықтама, мүгедектік туралы анықтаманың көшірмесі);

2)кәмелетке толған кезде ата-анасының қамқорлығынсыз қалған жастар қатарындағы адамдар, жеңілдіктер мен кепілдіктер бойынша Ұлы Отан соғысының қатысушылары мен мүгедектеріне теңестірілген адамдар, ауылдың әлеуметтік-экономикалық дамуын айқындайтын мамандықтарға келіп түскен ауыл жастары қатарындағы адамдар, сондай-ақ Қазақстан Республикасының азаматтары болып табылмайтын оралман мәртебесі бар адамдар (қорғаншылық және қамқоршылық жөніндегі анықтаманың көшірмесі, оралман куәлігінің көшірмесі);

3) бірінші курсқа қабылданған, "Алтын белгі" белгісі бар білім алушылар, Президенттік, халықаралық және республикалық олимпиада және конкурс жеңімпазының сертификаты бар білім алушылар, сондай-ақ оқу орнын үздік бітірген талапкерлер білімі туралы растайтын құжатпен (куәліктің, аттестаттың, дипломның көшірмесі);

4)ҚР БҒМ Білім беру грантының иегерлеріне (білім беру грантын тағайындау туралы куәліктің көшірмесі);

5)егер отбасында 18 жасқа дейінгі 3-тен астам бала болса және анасының "Алтын алқа" немесе "Күміс алқа" белгісі болса, көпбалалы отбасынан шыққан (отбасында 4 және одан да көп бала бар екендігі туралы анықтаманың көшірмесі);

6) Қазтұтынуодағы Қарағанды университетіне халықаралық келісімдер (келісімшарттар) бойынша оқуға қабылданған шетелдік азаматтар жатақханаға жалпы негізде орналастырылады;

7) оқу, ғылыми және қоғамдық жұмыста жоғары нәтижелері бар жоғары курс студенттері қатарында оқитындар (транскрипт көшірмесі, грамоталардың, дипломдардың көшірмелері).

Attachments:

Жатақханаларына_қоныстандыру_және_одан_шығару_Ережесі_2024.pdf	372 kB
Жатақханасында_тұру_ережесі_2024_1.pdf	437 kB
СТУДЕНТТЕР ЖАТАҚХАНАСЫ ТУРАЛЫ ЕРЕЖЕ2024.pdf	415 kB