2025 жылғы 7-11 сәуір аралығында Қазтұтынуодағы Қарағанды университетінде "Ғылым апталығы - 2025" өтті.
«ҒЫЛЫМ АПТАЛЫҒЫ-2025» БІРІНШІ КҮНІ: 7 сәуір 2025 жыл.
"Ғылым апталығы -2025" ашылу салтанатында ғылыми жұмыс және инновациялар жөніндегі проректор Сихимбаев М.Р., ЭҚЗ ҒЗИ директоры Т.А. Ханов және ЭҚЗ ҒЗИ бас ғылыми қызметкері К.С. Лақбаев құттықтау сөз сөйледі. Ғылыми әлеуетті дамытудың, жастардың зерттеу белсенділігін ынталандырудың және академиялық және қолданбалы салаға инновацияларды енгізудің маңыздылығы атап өтілді. Апталықтың ашылуы ғылымды насихаттауға және жас ғалымдарды қолдауға бағытталған бірқатар іс-шаралардың (ғылыми семинарлар, шебер-сыныптар, дөңгелек үстел, консультативтік семинарлар және т.б.) басталуын белгіледі.
2 сәуірде Coventry University Kazakhstan серіктестік жанындағы Корольдік логистика және көлік институты Жас логистер форумын ұйымдастырды. Қазақстанның жетекші көлік-логистикалық компанияларының өкілдері өз тәжірибелерімен бөлісті. Спикерлер электрондық коммерцияны дамыту, аймақтың саудасы мен экономикасын дамытудағы мультимодальдық Орта дәліздің рөлі, жеткізілім тізбегін басқарудағы жасанды интеллекттің интеграциясы туралы айтып берді.
«Маркетинг және логистика» кафедрасының студенттері Елизавета Панченко, Жандос Жакеев және Никита Дыга Қазтұтынуодағы Қарағанды университетінің атынан лайықты өнер көрсетті.
Логистика және көлік Корольдік институтына қызықты және ақпараттық іс-шара үшін алғысымызды білдіреміз. Мұндай кездесулер студенттерді құнды білімдермен байытып қана қоймай, оларды кәсіби өсуге шабыттандырады.
Бүгін Қарағанды Қазтұтынуодағы университеті «Сарыарқа дарыны» балаларға арналған қосымша білім беру аймақтық ғылыми-практикалық орталығымен бірлесіп ұйымдастырған «Биология білгірі – 2025» атты облыстық биология пәні бойынша олимпиаданың жеңімпаздары анықталды. Олимпиадаға Қарағанды облысының әртүрлі мектептерінен 200-ге жуық оқушы қатысты.
Жүлделері орындарға келесідей қатысушылар ие болды:
2025 жылғы 14 наурызда Қазтұтынуодағы Қарағанды университетінде Қарағанды облысы ұйымдары өкілдерінің қатысуымен «Кәсіби старт: перспективалар мен мүмкіндіктер» конференциясы өтті.
Конференцияны «Қарағанды облысының білім басқармасы» ММ және Samga academy білім беру орталығымен бірлесіп университеттің Кәсіби бағдарлау және қоғаммен байланыс орталығы ұйымдастырды.
Конференцияда кәсіптік бағдарлау жұмысындағы өзекті өзгерістер, әлеуетті талапкерлермен өзара іс-қимылдың тиімді стратегиялары, кәсіптік бағдарлаудың жаңа технологиялары мен құралдары талқыланды, бірлескен кәсіптік бағдарлау жұмысын ұйымдастырудың теориялық және практикалық мәселелері қаралды.
Академиялық мәселелер жөніндегі проректор, профессор Г. Е. Накипова құттықтау сөз сөйледі.
Шақырылған жаттықтырушы, өзін-өзі дамыту саласындағы сарапшы және Gallup Test Бабур Адильхан талапкерлердің кәсіби бағытын анықтау үшін өткізілген тесттерге практикалық ұсыныстар мен талдаулар-консультациялар берді. Ол Қазтұтынуодағы Қарағанды университетінің материалдық-техникалық жабдықталу ауқымын ерекше атап өтті
Конференция барысында университет шақырылған сарапшылармен, мектептерінің директорларымен, білім бөлімдерінің әдіскерлерімен байланыс орнатты. Одан әрі ынтымақтастық және тәжірибе алмасу туралы уағдаластықтарға қол жеткізілді.
2025 жылдың 13 наурызында Қазтұтынуодағы Қарағанды университетінде көрнекті ғалым және педагог, тарих ғылымдарының докторы, профессор Әбілов Қосман Жақыпайұлын еске алуға арналған атаулы аудиторияның ашылуы болып өтті.
Бұл жай ғана аудитория емес, оның ғылым мен білімге қосқан орасан зор үлесін құрметтеу мен мойындаудың символы. Көптеген студенттер мен әріптестер оны университеттің дамуында жарқын із қалдырған дана тәлімгер ретінде еске алады.
Іс-шараға университет ректоры Аймағамбетов Ерқара Балқараұлы, профессордың отбасы мүшелері, әріптестер мен студенттер қатысты, олар Қосман Жақыпайұлының өмірі мен жұмысының жарқын сәттерін еске алды. Біз жай ғана бөлме емес, болашақ ұрпақты ғылыми жетістіктерге шабыттандыратын орын аштық. Аудиторияда профессордың өмірі мен еңбектері туралы фотосуреттер мен жарияланымдар ұсынылған атаулы стенд пен есте сақтау бұрышы орнатылған.
Профессор Әбілов Қосман Жақыпайұлы көрнекті ғалым және ұстаз ретінде біздің жүрегімізде мәңгі қалады. Оның жұмысы мен ғылыми мұрасы көптеген жылдар бойы студенттер мен оқытушыларды шабыттандырады.
