«Әлеуметтік жұмыс» білім беру бағдарламасы студенттері Республикалық пәндік олимпиадада І орын алды

Жарияланған күні: 26 Сәуір 2023.

20-21 сәуірде «Әлеуметтік жұмыс» Білім беру бағдарламасы бойынша жыл сайынғы XV Республикалық студенттік пәндік олимпиада өтті. Олимпиада Алматы қаласы Нархоз университетінің базасында өткізілді. Республикалық олимпиаданың мақсаты студенттердің оқу-танымдық және оқу-зерттеу қызметін ынталандыру, студенттердің кәсіби-тұлғалық әлеуетін, олардың өзін-өзі тануын, шығармашылық қабілеттерін ашу, өзін-өзі жүзеге асыру және өзін-өзі растау үшін жағдай жасау, студенттердің азаматтық ұстанымын тәрбиелеу, неғұрлым талантты және дарынды студенттерді іріктеу және қолдау, білім беру жүйесін жетілдіруге белсенді кәсіби қатынасты қалыптастыру болып табылады.
«Әлеуметтік жұмыс» Білім беру бағдарламасы бойынша республикалық олимпиада 3 кезеңде өтті.
1 кезең. «Мен, менің ЖОО, менің факультетім, Менің мамандығым» тақырыбында бейнероликтер байқауы
2 кезең. "Өзекті әлеуметтік проблема" тақырыбындағы жобалар конкурсы
3 кезең. Кейстерді шешу конкурсы: "Шығу жолы бар!»
Олимпиадаға Қазақстан Республикасының түкпір-түкпірінен менмен деген 8 жоғары оқу орынадрының топтары қатысты. Олар: Л.Н.Гумилев атындағы ЕҰУ, Әл- Фараби ат. Қазақ ұлттық университеті, Е.А.Бөкетов ат. Қарағанды университеті, Қорқыт ата ат. Қызылолрда университеті, Қазақ ұлттық қыздар педагогикалық университеті, Есіл университеті, Нархоз университеті және Қазтұтынуодағы Қарағанды университеті.

Қазтұтынуодағы Қарағанды университетінің командасының құрамына «Әлеуметтік жұмыс» ББ студенттері: СР-21-1к тобы - Бабашова Назира, СР-22-1к тобы - Сейбуллаева Аяжан, Алимжанова Жансая кірді. «We Together» студенттер командасы ППиСР кафедрасының меңгерушісі, п.ғ.к., доцент М. К. Абдакимованың жетекшілігімен ғылыми-зерттеу және шығармашылық қызметті жүргізу бойынша қалыптасқан білімдерін, дағдылары мен құзыреттерін лайықты жоғары дәрежеде көрсетті.
Студенттер «ДАМУ» ҰКП базаларын белсенді тарта отырып, бейнеролик дайындады.
Команда Жастар ресурстық орталығы мен Жұмыспен қамту және әлеуметтік бағдарламалар орталықтарының базасында іске асырылатын «NEET»САНАТЫНДАҒЫ ЖАСТАРДЫ АҚПАРАТТАНДЫРУ АРҚЫЛЫ БЕЛСЕНДІ ҚОҒАМҒА ТАРТУ жобасын ұсынды. «Үздік әлеуметтік жоба» номинациясында біздің команданың жобасы бірінші орынға ие болды.
Олимпиаданың үшінші кезеңі барысында біздің студенттер кейстің ең оңтайлы, тиімді және ерекше шешімдерін ұсынды.
Байқаудың барлық 3 кезеңі бойынша біздің «We Together» командасы ең жоғары балл жинады, жетекші орынға ие болды және 1 орынды лайықты иеленді.
Студенттер өздерінің креативтіліктерін және болашақ кәсіби қызметке дайын екендіктерін көрсете білді. Біз студенттерімізге алда үлкен жеңістер тілейміз!

Университетіміздің оқу бағдарламаларының сапасы расталды

Жарияланған күні: 24 Сәуір 2023.

Қазтұтынуодағы Қарағанды университеті халықаралық және ұлттық сарапшыларға көрсетілетін білім беру қызметінің сапасын тағы бір мәрте растады.
2023 жылғы 01 сәуірде «Білім беру сапасын қамтамасыз ету жөніндегі тәуелсіз агенттік» Мемлекеттік емес мекемесі Аккредиттеу кеңесінің шешімімен 10 білім беру бағдарламасын 5 жылға аккредиттеу туралы шешім қабылданды: 6В07502 Стандарттау, сертификаттау және метрология (салалар бойынша), 6В06101 Ақпараттық жүйелер, 6В04106 Маркетинг, 6В03102 Психология және білім берудегі менеджмент, 7М07501/7М07502 Стандарттау және сертификаттау, 7М06101/7М06102 Ақпараттық жүйелер, 7М04111/7М04112 Маркетинг.

Біз қызметкерлерді, оқытушыларды, бiлiм алушыларды бағдарламаның аккредитациясын сәтті аяқтауларымен құттықтаймыз және ұжымға одан әрі нәтижелі жұмыс және жаңа жетістіктер тілейміз.

Қаржы қауіпсіздігі бойынша республикалық олимпиада

Жарияланған күні: 24 Сәуір 2023.

2023 жылдың 21 сәуірінде Қазтұтынуодағы Қарағанды университетінде Қаржы қауіпсіздігі бойынша бірінші Республикалық олимпиаданың жеңімпаздары марапатталды. Олимпиадаға Ұлытау ауданының Қарағанды, Павлодар, Балқаш қалаларының оқушылары қатысты.
Олимпиада қаржылық, экономикалық және ақпараттық қауіпсіздік негіздерін меңгерген қаржылық сауатты жастардың жаңа буынын қалыптастыруға ықпал етуге арналған.
Қатысушыларға Қарағанды Қазтұтынуодағы университетінің ректоры, э. ғ. д., профессор Е. Б. Аймағамбетов құттықтау сөз сөйледі.
Олимпиада жеңімпаздары грамоталармен және сыйлықтармен марапатталды, оларды салтанатты түрде Қарағанды қаласы әкімінің орынбасары Л.Т. Акильжанова; Қарағанды облысы білім басқармасының басшысы Г. Ш. Қожахметова, ҚР Қаржы мониторингі агенттігінің Қарағанды облысы бойынша Экономикалық тергеу департаментінің басшысы Е. А. Түмелиев табыс етті.

Практикалық қызметкерлердің қатысуымен Мастер-класс

Жарияланған күні: 20 Сәуір 2023.

2023 жылдың 14 сәуірінде университетте "Еңбек шарты тараптарының материалдық және тәртіптік жауапкершілігі" тақырыбында ЭҚҚР кафедрасы ұйымдастырған мастер-класс өтті. Мастер-класстың мақсаты - практикалық қызметкерлерден тәжірибе алу, еңбек қатынастарына түсу кезінде материалдық жауапкершіліктің басталу жағдайларын зерттеу болып табылады.
Дәріс «Дельта М Қазақстан» КА ЖШС персоналды іріктеу бөлімінің басшысы Алиева Далида Олеговнаның және кадрлар бөлімінің маманы Коршунова Ксения Олеговнаның қатысуымен өтті. Олар келесі тақырыптарды қозғады:
- Қызметкерлерді қабылдау және жұмыстан шығару тәртібі;
- Еңбек шарты тараптарының негізгі құқықтары, міндеттері;
- Еңбек шарты тараптарының жауапкершілігі;
- Ұйымның жұмыс режимі;
- Демалыс уақыты;
- Қызметкерлерге қолданылатын көтермелеу және өндіріп алу шаралары;
- Тәртіптік жазаларды қолданудың негізгі принциптері және т. б.
Студенттер іс жүзінде қандай шарттар жасасу керектігін білді, еңбек шарты, ұжымдық шарт, материалдық жауапкершілік туралы шарт қандай бөлімдерден тұруы керек екенін түсінді. Дәріске «Мемлекеттік жергілікті басқару», «Логистика», «Менеджмент», «Экономика», «Әлеуметтік жұмыс», «Есеп және аудит», «Дене шынықтыру және спорттық менеджмент», «Сот-құқық қорғау қызметі», «Құқықтану» білім беру бағдарламаларының студенттері қатысты. Кездесу барысында студенттер тәжірибе мен жұмысқа орналасу туралы қажетті және өзекті ақпарат алды.