2022 жылдың 22 қыркүйек күні сағат 16.00де «шетел және орыс тілдері» кафедрасының ұйымдастыруымен алдағы келе жатқан «Тілдер күніне» орай №3 жатақхана студенттеріне арнап «Тіл тағдыры-ел тағдыры» атты дөңгелек үстел өткізілді. Дөңгелек үстелде мемлекеттік және халықаралық тілдерге қатысты қызықты мәліметтер беріліп, сұрақ-жауап ойындары өткізілді.
2022 жылдың 22 қыркүйегінде «QazTehna» ЖШС мен Қарағанды Қазтұтынуодағы университетінің өкілдері арасында кездесу өтті. Кездесу барысында білім беру саласындағы мәселелер, бірлескен зерттеулер мен жобалар, студенттердің кәсіби тәжірибесі, одан әрі ынтымақтастықты дамытудың Жол картасын әзірлеу мәселелері талқыланды.
2022 жылғы 21 қыркүйекте халықаралық сарапшы, Германияның экономика және даму Министрлігі (BMZ) қаржыландыратын өңірлік жобалардың үйлестірушісі, Тәжікстан әлеуметтік жұмыс мектептері Қауымдастығының директоры, Э. ғ. д., профессор Ашуров С.Б. және Қазақстандағы «Әлеуметтік жұмыс мектептері Қауымдастығы» ЗТБ тең құрылтайшысы Жанаева Г.С. іс сапармен университетімізге келді.
Әлемдік білім кеңістігіне кірігу, жоғары мектептің сыртқы стейкхолдерлермен ынтымақтастығы – бүгінгі күннің талабы. Қазтұтынуодағы Қарағанды университеті әлеуметтік жұмыс мектептерінің халықаралық қауымдастығының (IASSW) бір бөлігі болу мақсатын қояды. Алғашқы қадам жасалды – құрылтайшысы «Кәсіби әлеуметтік қызметкерлердің ұлттық Альянсы» РҚБ директоры Д.Г. Есімова және директоры Г.С. Жанаева тұлғасында «Қазақстандық Швейцария-Американдық колледж» ЖШС болып табылатын Қазақстандағы «Әлеуметтік жұмыс мектептерінің қауымдастығы» ЗТБ-ға кіру туралы шешім қабылданды.
Сапар барысында университет ректоры, э.ғ.д., профессор Аймағамбетов Е.Б., академиялық мәселелер және стратегиялық даму жөніндегі проректор, э.ғ.к., доцент Абеуова С.Т. және кафедраның профессорлық-оқытушылық құрамымен кездесулер өтті. Қазақстандағы әлеуметтік жұмыс мектептері қауымдастығына кіру мәселелері талқыланды.
Э.ғ.д., профессор Ашуров С.Б. «Әлеуметтік жұмыс» және «Психология және білім берудегі менеджмент» білім беру бағдарламаларының студенттеріне «Мүгедектігі бар адамдардың мәселесін шешу контексінде инклюзивті қоғамды қалыптастыру» тақырыбында платина дәрісін оқыды.
Қонақтар үшін университет бойынша ұйымдастырылған экскурсия, ЖОО-ның алдыңғы қатарлы материалдық-техникалық базасының презентациясы жақын келешектегі ынтымақтастықтың негізгі бағыттарын нақтылауға мүмкіндік берді.
Кәсіби шеберлікті, сондай-ақ білім беру қызметтері нарығындағы бәсекеге қабілеттілікті арттыру үшін Маркетинг және логистика кафедрасының профессорлық-оқытушылық құрамы өзінің теориялық білімін тұрақты түрде жақсартады және маркетинг және логистика саласындағы курстарды игеру арқылы алған дағдыларын шыңдайды.
Құрметті студенттер, магистранттар және докторанттар! Баршаңызды жаңа оқу жылының басталуымен құттықтаймыз! Қазтұтынуодағы Қарағанды университеті сіздерді 1-ші қыркүйекте сағат 10:00-де Академиялық 9 мекен-жайы бойынша өтетін 2022-2023 щқу жылының салтанатты ашылуынашақырады. Біз сіздерді күтеміз!
2022 жылдың 24-25 тамызында Нұр-Сұлтан қаласында «Адам капиталы - Жаңа Қазақстанды дамытудың негізгі ресурсы» деген тақырыпта ғылым және жоғары білім форумы өтті.
«Қазақстан халқына» Қоры «Қазақстан халқына» ҚҚ білім беру гранттары» қайырымдылық бағдарламасы бойынша гранттар санын көбейту туралы шешім қабылдады. Бакалавриат бағдарламалары бойынша студенттер мен талапкерлерге барлығы 2 350 грант бөлінеді, ал шәкіртақының белгіленген мөлшері – 40 мың теңге.
Бастапқы кезде 360 грант бөлу жоспарланған болатын, бірақ өтініштер санының көп болуына байланысты гранттар саны көбейтілді.
Білім беру грантына үміткерлерді іріктеу критерийлерімен Қордың сайтында танысуға болады: qazaqstanhalqyna.kz/ru/programs/17-charity-ru/190
«Қазақстан халқына» ҚҚ білім беру гранттары» қайырымдылық бағдарламасын іске асыру шеңберінде талапкерлер мен студенттерден гранттар алуға өтінімдер қабылдау басталды.
Талапкерлер үшін білім беру гранттары мен шәкіртақыларының саны әрбір ЖЖОКБҰ-ға 10 грантқа дейін, ұлттық ЖЖОКБҰ үшін 20 грантқа дейін көбейтілді.
Қордың 2022-2023 оқу жылының талапкерлеріне арналған білім беру гранттары мен стипендияларының жалпы саны – 850. Қор бакалавриат бағдарламалары бойынша мемлекеттік немесе өзге қандай да бір грант алмаған келесі санаттың:
- ауылдық жерлердің аз қамтылған отбасыларының талапкерлері;
- жетім балаларға жататын және кәмелетке толғанға дейін ата-анасының қамқорлығынсыз қалған талапкерлері;
- мүмкіндігі шектеулі, оның ішінде мүгедектігі бар талапкерлері үшін жоғары білім алу үшін шәкіртақысы бар гранттар ұсынады.
Бұл гранттар ҰБТ-дан өткен және оның нәтижелері бойынша ЖЖОКБҰ-ға түсу үшін қажетті өту балын жинаған талапкерлерге берілетінін атап өту қажет.
«Қазақстан халқына» ҚҚ білім беру грантына үміткерлер (талапкерлер) таңдалған жоғары және жоғары оқу орнынан кейінгі білім беру ұйымының (ЖЖОКБҰ) қабылдау комиссиясына 2022 жылғы 10-17 тамыз аралығында өтінім береді. Талапкерлер арасында «Қазақстан халқына» ҚҚ грантына үміткерлерді іріктеуді ЖЖОКБҰ (университеттер) жанында жұмыс істейтін қабылдау бөлімі немесе кез келген басқа комиссия білім беру гранттарын іске асыру шеңберінде жүзеге асырады
Сондай-ақ ЖЖОКБҰ-ның ақылы бөлімшелерінде оқитын студенттерге «Қазақстан халқына» Қорының қаражаты есебінен оқуын жалғастыруға мүмкіндік беріледі. ЖЖОКБҰ-ның ағымдаға студенттері үшін білім беру гранттарының саны әрбір жоғарғы оқу орнына квота айқындалмай, 1500-ге дейін ұлғайтылды.
Конкурсқа келесі тұлғалар қатыса алады:
- мүмкіндіктері шектеулі, соның ішінде мүгедектігі бар студенттер;
- жетім бала санатына жататын және кәмелеттік жасқа дейін ата-анасының қамқорынсыз қалған тұлғалар;
- ауылдық жерлердегі жағдайы төмен отбасылардан шыққан студенттер;
- толық емес отбасыдан, мүгедек балаларды тәрбилеп жүрген отбасыдан шыққан студенттер;
- ата-анасының біреу немесе екеуі де мүгедектігі бар болып келетін студенттер.
Бұл ретте «Қазақстан халқына» ҚҚ-ның гранты мен шәкіртақысын алуға үміткерлер (ақылы топтарда оқитын студенттер) 01-25 тамыз аралығында:
- «Taiburyl» ҚБ сайтында: https://www.taiburyl.kz/
- ҚазМЗУ студенттері «ҚазМЗУ эндаумент» корпоративтік қорының сайтында https://endowment.kazguu.kz/ru / - онлайн өтінім бере алады.
«Taiburyl» ҚБ және «Эндаумент КАЗГЮУ» КҚ аталмыш бағдарламаның серіктестері болып табылады, студенттерден (ЖЖОКБҰ-ның ақылы бөлімшелерінде оқитын және қор қаражаты есебінен оқуын жалғастырғысы келетіндерден) өтінімдерді қабылдау және өңдеу үшін өтеусіз өз техникалық алаңын ұсынады, осылайша «Қазақстан халқына» ҚҚ білім беру гранттары қайырымдылық бағдарламасын іске асыруда Қордың серіктестері болып табылады. Студенттер арасында грантқа үміткерлерді іріктеуді «Taiburyl» ҚБ және «Эндаумент КАЗГЮУ» КҚ жанында құрылған комиссия жүзеге асырады.
Оқу құны бойынша шектеме әрбір грант алушы студент үшін 1 млн. теңге мөлшерін құрайды, егер студенттің жылдық оқуының құны 1 млн. теңгеден артық болса, онда 1 млн. теңгеден асатын айырмашылықты грант алушы студенттің өзі төлеуі тиіс.
Естеріңізге сала кетейік, «Қазақстан халқына» ҚҚ білім беру гранттары қайырымдылық бағдарламасында 79 білім беру ұйымы (ЖЖОКБҰ) және білім беру саласындағы 2 қайырымдылық ұйымы: «Taiburyl» ҚБ және «Эндаумент КАЗГЮУ» КҚ қатысады.
Бағдарламаға қатысатын оқу орындарының тізбесі, қабылдау комиссияларының байланыс телефондары және толық ақпарат «Қазақстан халқына» ҚҚ сайтында жарияланған – qazaqstanhalqyna.kz
Қор бөлетін гранттар өтеусіз көмек болып табылады. Сома қайтарылмайды және грант алушы оқуын аяқтағаннан кейін оның оқуына жұмсалған қаражатты «өтеуге» міндетті емес.
Грант алушылар қабылдаушы университеттің академиялық талаптарын ұстануы тиіс және бағдарлама бойы толық оқу курсынан өтуге міндетті. Бұл шарттың орындалмауы қаржылық
https://qazaqstanhalqyna.kz/kk/press/323-qazaqstan-halqyna-qory-kz_0811.html қолдауды тоқтатуға негіздеме болуы мүмкін
Өрт - әрдайым алапат, ауыртпалық, бақытсыздық. Соған қарамастан, көпшілік адамдар өрт кезіндегі қарапайым ережелерді білмейді. Бала күннен белгілі – «101-ге қоңырау шалу»-дың өзін үрей, байбалам кезінде естен шығарып, ұмытып кетіп жатамыз. Басты ереже - ешқашан үрейленіп, байбалам күйге түспеу!
Өрт қауіпі өнеркәсіп пен мекемеде ғана емес, тұрмыста да кездеседі: - тұрғын үйде, жеке автокөлікте және көлікжайда да, саяжайлық аумақта және т.с.с. Сондықтан, өнеркәсіпте қамтамасыз еткендей, тұрғын жай және басқа орындарды алғашқы өрт сөндіру құралдарымен (өрт сөндіргіш және т.с.с.) қамтамасыз ету қажет.
Пәтерлер мен тұрғын бөлмелерде:
- жанғыш заттар, жеңіл тұтанғыш заттар және газ баллондарды балкондарда және лоджияларда сақтауға;
- төсекте және арнайы темекі шегуге әзірленбеген жерлерде темекі шегуге;
- екі қабаттан жоғары үйлерде газ балондарын қолдануға;
- балкондар мен лоджиялардан темекі тұқылын лақтыруға;
- әзірленіп жатқан асты газ немесе тоқ плитасында қараусыз қалдыруға және тұрмыстық электр құрылғыларын (теледидар, үтік, шәйнек, шаш кептіру құрылғысы және т.с.с.) тоққа қосылған күйінде қалдыруға;
- балаларды қараусыз қалдыруға тыйым салынады.
Ең бірінші әрі міндетті ережені есте сақтаңыз: пәтерде түтіннің әлсіз иісі келген кездің өзінде, ашық жалынның өзін айтпағанда, «101» немесе «112» ге қоңырау шалу керек.
Өртті өз күшімен сөндіру көп жағдайларда нәтижесіз болады да уақытты жоғалтуға себеп болады және ол өрттің едәуір өршіп таралуына әкеліп соғады.
Өрт сөндіру қызметіне хабарласқаннан кейін, ересектер мен балаларды, қарттар мен сырқат адамдарды қауіпсіз жерге шығарып, жақын пәтерлердегі көршілеріңізді хабардар етіңіз. Пәтердегі немесе саты алаңындағы электр қалқанын қолданып электр көзін өшіріңіз. Ас бөлмесіндегі газ келетін жүйені жабыңыз. Егер сіздің үйіңіз түтін шығару жүйесімен қамтамасыз етілген болса , оны іске қосыңыз. Өрт сөндірушілердің келуін күтпей өртті қолда бар құралдармен – шелектегі сумен, өрт сөндіру құралымен, дымқыл тығыз матамен және т.с.с сөндіруге кірісіңіз.
АҚ штабының бастығы Н.Әлімқұлов
