2023 жылдың 16 ақпаны «Бухгалтерлік есеп және аудит» кафедрасы «VIP» ЖШС-мен бірге ұйымдастырған аймақтық бухгалтерлік форум өтті. Форум аясында бухгалтерлік мамандықтың маңыздылығын көрсететін Қазақстан Республикасының салықтық және бухгалтерлік заңнамасына қатысты сұрақтар қарастырылды, бизнестің, ғылым мен білімнің жаңа қырлары зерттелді. Сонымен қатар, есеп пен қаржылық есептіліктің жаңа бағыттары анықтау бизнесті жүргізу, қаржылық және салықтық тәуекелдерді төмендетудің алғышарттары екендігі аталып көрсетілді.
Университет серіктестері өздерінің практикалық тәжірибелерімен бөлісу және өз салаларындағы жұмыстың қыр-сырын көрсету үшін біздің университеттің оқытушылары мен студенттерін қабылдауға әрқашан дайын. Мәселен, 2023 жылғы 15 ақпанда «Психология және білім берудегі менеджмент» және «Әлеуметтік жұмыс» білім беру бағдарламаларының студенттері үшін көшпелі сабақ өтті, оған ПиМО-21-2, ПиМО-21-1К, СР-21-2 топтары қатысты. Көшпелі сабақ «Даму» ОҒӨК базасында «Гиппократ» медициналық фирмасы ЖШС-де өтті, онда бізді әлеуметтік-психологиялық қызметтің директоры Баймуханова Галина Евгеньевна және оның психологтар мен әлеуметтік қызметкерлер ұжымы қабылдады. Әлеуметтік - психологиялық қызмет орталығының әлеуметтік жұмыс мамандары Наталья Палагина мен Золотых Наталья клиенттердің нақты жағдаймен (кейспен) жұмыс істеу қажеттіліктерін ведомствоаралық өзара іс-қимыл және мультикомандалардағы жұмыс жөніндегі құзыреттердегі қызметкердің терең бағалауды жүргізу тәжірибесімен бөлісіп, әлеуметтік қажеттіліктерге назар аударды. Сондай-ақ, экскурсия барысында паллиативтік қызметтің жұмысымен таныстырылды. «МФ «Гиппократ» ЖШС әлеуметтік-психологиялық қызметінің психологтары Нестерова Валентина мен Захарова Алена пациенттермен ғана емес, қызметкерлермен де жұмыс істеудің маңыздылығын атап өтті, өйткені көрсетілетін қызметтердің сапасы, ең алдымен, қызметкерлері күйіп қалуға бейім медициналық ұйымның мамандарына байланысты. Психологтар өздері қолданатын психодиагностикалық әдістерді көрсетіп, айтып берді, сондай-ақ пациенттермен жұмыс істеуге арналған тренажерлерді, логопед-психолог кабинетін, тұз шахталарын көрсетті. Студенттер көшпелі сабаққа қатты қуанды және өз ісінің маманы болу үшін оқуын одан әрі жалғастыруға дайын.
Алғашқы медициналық-санитариялық көмек биопсихоәлеуметтік үлгі базасында медициналық көмек көрсету жүйесінің негізі болып табылады және аурулар мен жай-күйлердің профилактикасы, диагностикасы, оларды емдеу, әлеуметтік-медициналық оңалту, сауаматты өмір салтын қалыптастыру және халықты санитариялық-гигиеналық ағарту жөніндегі іс-шараларды қамтиды. Қолжетімді және сапалы алғашқы медициналық-санитарлық көмекті қамтамасыз ету мамандардың, оның ішінде денсаулық сақтау жүйесінің әлеуметтік қызметкерлері мен психологтарының кәсіпқойлығына байланысты. Психология, педагогика және әлеуметтік жұмыс кафедрасы медициналық мекемелердің ОҒӘК серіктестерімен тұрақты негізде өзара әрекеттеседі. «Гиппократ» МФ ЖШС қызметкерлерімен «Психология және білім берудегі менеджмент» және «Әлеуметтік жұмыс» білім беру бағдарламаларының студенттеріне арналған «Алғашқы медициналық - санитарлық көмек деңгейіндегі әлеуметтік-психологиялық жұмыс» тақырыбында «платина» дәрісі өткізілді. Дәріс спикерлері: әлеуметтік мәселелер жөніндегі әлеуметтік-психологиялық қызмет директорының орынбасары В.А. Нестерова, Захарова Алена Денисовна - клиникалық психолог, Палагина Наталья, Золотых Наталья - әлеуметтік жұмыс мамандары, Киндзерская Виктория Юрьевна – акушер-гинеколог. Салауатты өмір салтын қалыптастырудың, жастардың репродуктивті денсаулығын нығайтудың, стресс пен стресске төзімділікті басқарудың әлеуметтік-психологиялық әдістері мен технологиялары талқыланды.
2023 жылдың 7-ақпаны күні Экономика, басқару және кәсіпкерлік факультеті қазақ тілі және Қазақстан мәдениеті кафедрасының ұйымдастыруымен мектеп оқушылары арасында «Тіл білгірі» атты пәндік олимпиада өтті. Олимпиадаға 16 қалалық мектептен 50-ден аса 11-сынып оқушылары қатысты. Оқушылар пәндік олимпиада барысында мәтін бойынша сұрақтарға жауап беріп, берілген тақырыптар бойынша эссе жазды. Сонымен қатар мектеп оқушыларына ҰБТ туралы, Қазтұтынуодағы Қарағанды университетіндегі мамандықтар туралы мәлімет берілді. Олимпиада бойынша марапаттау 10 ақпан күні Қазтұтынуодағы Қарағанды университетінде өтеді. Олимпиада қорытындысы бойынша 1-3 орын алған оқушылар арнайы дипломдармен марапатталады. Марапаттау барысында қазақ және орыс сыныбының оқушылары жеке қарастырылады. Университет ректоры тарапынан 2023-2024 оқу жылында Қазтұтынуодағы Қарағанды университетіне оқуға түскен жағдайда оқу ақысын төлеуде 15 %, 10%, 5 %, жеңілдік сертификаттарына үздік нәтиже көрсеткен 6 оқушы (қазақ сыныбы 3, орыс сыныбы 3) ие болады. Орын алмаған, бірақ жақсы нәтиже көрсеткен қатысушыларға алғыс хаттар табыс етіледі.
2023 жылдың 6 ақпанында Қазтұтынуодағы Қарағанды университетінің «Достық» коворкинг орталығы» технологиялық бизнес-инкубаторы студенттермен, кәсіпкер, бизнес-тренер және тәлімгер Ақмарал Рымбекқызы Баймағамбетовамен «Болашақтың дағдылары: сұранысқа ие маман болыңыз және әрқашан ақшалы болуға сізге не көмектеседі» тақырыбында кездесу ұйымдастырды. Семинар барысында «Hard skills» және «Soft skills» түсінік ұғымдары ашылды және кәсіпорындардағы бизнес-процестерді түсінуге, кәсіпкерлік дағдыларды меңгеруге және бағдарламалық өнімдердің оңтайлы жиынтығын таңдай білуге, тұтынушылардың қажеттіліктерін анықтауға, қақтығыстарды басқару және тапсырмаларды ресімдеу мүмкіндігі талқыланды. Студенттер семинар барысында алынған ақпараттар үшін ризашылықтарын білдіріп, одан әрі ынтымақтастыққа тілектерін білдірді. Бұл іс-шара студенттердің ой-өрісі мен интеллектуалдық өсуіне ықпал етеді, және кәсіби түрде өзін-өзі анықтауға көмектеседі.
