Бизнес және құқық Факультетінің Ю-19-1к тобының студенті Қарағанды қаласының «Nur Qadam» жастар сыйлығының лауреаты – Ермек Алишерді «Жылдың үздік волонтері» атты номинациясын иеленуімен құттықтаймыз. «Nur Qadam» Қарағанды қаласының әкімінің жастар сыйлығы – кәсіби салада және қоғамдық қызметте жоғары көрсеткіштері бар жас азаматтарды қолдаудың қосымша шарасы болып табылады. Біз Алишерге өзінің осы жетістіктерімен шектелмей, ең батыл идеялар мен жоспарларды жүзеге асыруын, белсенді өмірлік ұстанымын сақтап әлеуметтік қызметте үнемі жаңа жетістіктерге жетуін тілейміз.
22.11.2019ж. "Жас криминалист мектебі"бейіндік университеттік мектебінің таныстыру сабағы өтті. Оқу жылының басында "жалпы құқықтық және арнайы пәндер" кафедрасының оқытушылары осы мектептің жарнамалық буклеттерін, ережесі мен жұмыс жоспарын әзірледі. Бұл материалдар оқу орындарына жіберілді. Мектеп жұмысына қаланың алты мектебінен оқушылар қатысты. Осылайша, біз сараптама, талдау жұмыстарына бейім жасөспірімдерге өзін криминалист-сарапшы ретінде сынап көруді ұсындық. Болашақта адам құқық қорғау органдарында жұмыс істейтіндігі міндетті емес. Зертханада жұмыс істеу дағдысы, қалған іздер бойынша оқиғалар суретін қалпына келтіре білу, кез келген қызмет саласында ғалымға да, оқытушы мен талдаушыға да қажет. Қазіргі уақытта зертхананың жұмысы криминалистика бойынша сабақтардың барлық түрлерін, "Сот сараптамасы", "криминалистикалық техника негіздері" арнайы курстарымен, прокурорлық-тергеу мамандану студенттеріне арналған криминалистика бойынша арнайы практикамен қамтамасыз етумен байланысты. Зертхананың қызметі криминалистердің "қару-жарағында" тұрған заманауи ғылыми-техникалық құралдарды, түрлі мультимедиялық оқыту бағдарламаларын тиімді пайдалану арқылы жүзеге асырылады. Практикалық сабақтар өткізілетін адиториялар-бұл оқу фотозертханасы, криминалистикалық техника кабинеті, Криминалистикалық тактика және әдістеме кабинеті, қылмыс орнының тиісті жағдайы бар үй-жайлар, университет ауласында аяқ және көлік құралдарының ізімен жұмыс істеу үшін жабдықталған орын.
2019 жылы 22 қарашада Қазтұтынуодағының Қарағанды экономикалық университетінің қабырғасында "Жалпы заң және арнайы пәндер" кафедрасының ұйымдастыруымен, Қарағанды қаласының 10-11 сынып оқушылары арасында "Мемлекет және құқық негіздері" бойынша олимпиада өткізілді.. Іс-шара мемлекеттік - құқықтық мәселелерге қызығушылық танытқан талантты жастарды тарту және қолдау мақсатында өткізілді. Олимпиадаға "№63 ЖББОМ" КММ, "№9 Гимназия" КММ, "№85 ЖББОМ" КММ, "Мұрагер" БОМ, "№62 ЖББОМ"КММ құрама командалары қатысты. Мектеп қатысушылары өз білімдерін қолдана отырып, әртүрлі жеке және командалық тапсырмаларды орындап, одан әрі кәсіби бағдар беру үшін баға жетпес тәжірибе алды. Олимпиада қорытындысы бойынша І дәрежелі дипломмен мамандандырылған "Мұрагер" мектеп-интернатының "Жеті жарғы" командасы, ІІ дәрежелі дипломмен №38 гимназияның "Алғырлар" командасы, ІІІ дәрежелі дипломмен №85 мектеп командасы марапатталды. Барлық қатысушылар алғыс хаттармен және бағалы сыйлықтармен марапатталды.
Қазтұтынуодағы Қарағанды экономикалық университетінің «Вдохновение» студенттік театрын «Театральный Олимп -2019» студенттік театрлар фестивалінде екінші орын алғаны үшін құттықтаймыз! Фестиваль нәтижелері бойынша «Үздік көркемдік жетекші» номинациясында КЭУК-тың « Вдохновение» театрының жетекшісі Пономаренко Елена Геннадьевна жеңімпаз аталды; «Бірінші жоспардағы үздік ерлер рөлі» номинациясындағы дипломмен ТПП– 33 тобының студенті Андрей Корнеев марапатталды.
2019 жылдың 25 қарашасында Қарағанды экономикалық университетінде "Sanaly Urpaq" студенттік қауымдастығының ұйымдастыруымен " Студент жастардың сыбайлас жемқорлық деңгейін төмендетуге тиімді қатысу формалары " тақырыбында дөңгелек үстел өтті. Дөңгелек үстелдің басты мақсаты-университет студенттеріне құқықтық білім беру және жалпы сыбайлас жемқорлық құқық бұзушылықтардың алдын алу. Дөңгелек үстел барысында Қазақстанда сыбайлас жемқорлықтың пайда болуының негізгі себептері, осы қоғамдық зұлымдыққа қарсы күрестегі шет елдердің тәжірибесі, сыбайлас жемқорлық құқық бұзушылықтың алдын алу әдістері мен тетіктері талқыланды. Дөңгелек үстелге қатысушылар талқылауларға белсенді қатысып, өзінің азаматтық ұстанымын білдірді, сыбайлас жемқорлықтың алдын алу тетіктерін талдады.
Бизнес және құқық Факультетінің Ю-19-1к тобының студенті Қарағанды қаласының «Nur Qadam» жастар сыйлығының лауреаты – Ермек Алишерді «Жылдың үздік волонтері» атты номинациясын иеленуімен құттықтаймыз. 
