Студенттер ғылым мен білімнің өзекті мәселелері туралы
2021 жылдың 12 наурызында Қазтұтынуодағы Қарағанды университетінде Қазақстан Республикасы Тәуелсіздігінің 30 жылдығына арналған жоғары оқу орындары мен колледж студенттеріне, оқушыларға арналған "Ғылым мен білімнің өзекті мәселелері" атты Халықаралық ғылыми-практикалық online-конференциясы өтті.
Конференцияға қатысушылар арасында Үндістан, Польша, Ресей және Қырғызстан студенттері бар; Қазақстан Республикасының жоғары оқу орындары: Әл-Фараби атындағы Қазақ ұлттық университеті, Абылай хан атындағы Қазақ халықаралық қатынастар және әлем тілдері университеті, Қорқыт ата атындағы Қызылорда университеті, С.Аманжолов атындағы Шығыс Қазақстан университеті, Қ. Жұбанов атындағы Ақтөбе өңірлік университеті; Қарағанды қаласының жоғары оқу орындары, Балқаш, Жезқазған, Теміртау қалаларының колледждері, сондай-ақ Қарағанды облысының жалпы білім беретін мектептерінің оқушылары қатыса алады.
140-тан астам қатысушы әлеуметтік-гуманитарлық, заң, психологиялық, педагогикалық және техникалық ғылымдардың өзекті мәселелері, құқық қорғау қызметі және спорт менеджменті саласындағы заңнаманы жетілдіру проблемалары бойынша өз жұмыстарын ұсынды. Секциялардағы жұмыс пікірталас алаңы және тәжірибе, дәстүрлер, зерттелетін ғылыми мәселелерге шынайы қызығушылық тудыратын орын болды.
Студенттер мен оқушылар үшін дәстүрге айналған халықаралық конференция студенттік ғылымның одан әрі дамуын қамтамасыз ететін форум мәртебесін растады.
Бизнес, құқық және технология факультеті қатысушыларға, ғылыми жетекшілер мен модераторларға конференцияны жоғары деңгейде өткізгені үшін алғыс білдіреді.
